ऑस्ट्रेलियाचा धडाकेबाज अष्टपैलू खेळाडू ग्लेन मॅक्सवेलने वनडे क्रिकेटमधून निवृत्ती जाहीर केली आहे. 13 वर्षांच्या यशस्वी कारकिर्दीनंतर त्याने हा निर्णय घेतला असून आता तो टी-20 क्रिकेटवर आणि विशेषत 2026 च्या टी-20 विश्वचषकावर लक्ष केंद्रित करणार आहे. मॅक्सवेलच्या या निवृत्तीने क्रिकेट विश्वात खळबळ उडाली असून चाहते त्याच्या अविस्मरणीय खेळींची आठवण काढत आहेत. त्याच्या निवृत्तीमागील कारणे आणि त्याच्या कारकिर्दीतील काही खास क्षण याबद्दल आपण जाणून घेऊया.
मॅक्सवेलच्या निवृत्तीमागील कारण
मॅक्सवेलने निवृत्ती जाहीर करताना सांगितले की त्याच्यावर एकदिवसीय क्रिकेटचा ताण वाढत होता. निवड समितीशी बोलताना सांगितलं त्याने सांगितले आहे कि “मला वाटलं की मी संघाला थोडं कमी पडतोय, विशेषत: परिस्थितींनुसार माझं शरीर साथ देत नव्हतं,”. 2027 च्या वनडे विश्वचषकापर्यंत तो स्वत:ला तंदुरुस्त ठेवू शकेल असं त्याला वाटत नाही. त्यामुळे ऑस्ट्रेलियन संघाला भविष्यासाठी चांगली योजना आखता यावी यासाठी त्याने हा निर्णय घेतला. मॅक्सवेलचा हा प्रामाणिकपणा आणि संघाप्रती असलेली निष्ठा यामुळे चाहत्यांचा त्याच्याविषयीचा आदर आणखी वाढला आहे.
मॅक्सवेलची वनडे कारकीर्द: एक झंझावात
ग्लेन मॅक्सवेलने 2012 मध्ये वनडे क्रिकेटमध्ये पदार्पण केलं आणि त्यानंतर त्याने 149 सामने खेळले. या काळात त्याने 136 डावांमध्ये 33.8 च्या सरासरीने 3,990 धावा केल्या. त्याच्या खात्यावर 4 शतकं आणि 23 अर्धशतकं आहेत, तर त्याचा स्ट्राइक रेट 126.7 इतका जबरदस्त आहे. मॅक्सवेलच्या बॅटिंग शैलीने नेहमीच चाहत्यांना थक्क केलं. त्याच्या रिव्हर्स स्वीप्स, नो-लूक सिक्सेस आणि आश्चर्यकारक शॉट्समुळे तो क्रिकेटच्या मैदानावरील ‘कॅओस मर्चंट’ म्हणून ओळखला जायचा.
त्याच्या कारकिर्दीतील सर्वात अविस्मरणीय क्षण म्हणजे 2023 च्या वनडे विश्वचषकातील अफगाणिस्तानविरुद्धची 201 धावांची नाबाद खेळी. ऑस्ट्रेलिया 91 धावांवर 7 बाद असताना मॅक्सवेलने पॅट कमिन्ससोबत मिळून आपल्या संघाला अशक्यप्राय विजय मिळवला. पायांना झालेल्या क्रॅम्प्सशी झुंजत त्याने खेळलेली ही खेळी क्रिकेट इतिहासातील सर्वोत्तम वनडे डावांपैकी एक मानली जाते. या खेळीमुळे ऑस्ट्रेलियाने विश्वचषक जिंकण्याच्या दिशेने मोठं पाऊल टाकलं आणि मॅक्सवेल ‘बिग शो’ बनला.
टी-20 क्रिकेटवर लक्ष
वनडे क्रिकेटमधून निवृत्ती घेतल्यानंतर मॅक्सवेल आता टी-20 क्रिकेटवर पूर्णपणे लक्ष केंद्रित करणार आहे. तो पुढील वर्षी होणाऱ्या टी-20 विश्वचषकासाठी उपलब्ध असेल असे त्याने स्पष्ट केले आहे. मॅक्सवेलने टी-20 क्रिकेटमध्येही आपली छाप पाडली आहे. त्याच्या आक्रमक बॅटिंग शैलीमुळे तो टी-20 फॉरमॅटमध्येही तो चाहत्यांचा लाडका आहे. आयपीएलमधील त्याच्या खेळी विशेषत: रॉयल चॅलेंजर्स बेंगलोर आणि किंग्स इलेव्हन पंजाबसाठी खेळताना त्याने भारतीय चाहत्यांच्या मनात कायमस्वरूपी जागा निर्माण केली आहे.
मॅक्सवेलच्या निवृत्तीवर चाहत्यांच्या प्रतिक्रिया
मॅक्सवेलच्या निवृत्तीच्या घोषणेनंतर सोशल मीडियावर चाहत्यांनी त्याच्यावर कौतुकाचा वर्षाव केला आहे. “मॅक्सवेलमुळे वनडे क्रिकेट पाहण्याची मजा काही औरच होती,” असं एका चाहत्याने लिहिलं आहे तर दुसऱ्या चाहत्याने त्याच्या 201* धावांच्या खेळीला ‘क्रिकेटच्या इतिहासातील चमत्कार’ असं संबोधलं. मराठी क्रिकेटप्रेमींनाही मॅक्सवेलच्या या निर्णयाने धक्का बसला आहे पण त्याचवेळी त्याच्या पुढील टी-20 कारकिर्दीसाठी चाहते उत्सुक आहेत.
मॅक्सवेलचा वारसा
ग्लेन मॅक्सवेलने वनडे क्रिकेटमध्ये आपला एक अनोखा ठसा उमटवला आहे. त्याच्या खेळींनी क्रिकेटच्या मैदानावर मनोरंजनाची नवी व्याख्या निर्माण केली. मॅक्सवेलच्या निवृत्तीमुळे ऑस्ट्रेलियन संघाला त्याच्यासारखा आक्रमक आणि अष्टपैलू खेळाडू शोधण्याचं आव्हान आहे. पण मॅक्सवेलचा प्रभाव आणि त्याच्या खेळींच्या आठवणी चाहत्यांच्या मनात कायम राहतील.
आता मॅक्सवेल टी-20 विश्वचषकात काय कमाल करतो, याकडे साऱ्या क्रिकेट विश्वाचं लक्ष लागलं आहे. त्याच्या चाहत्यांना खात्री आहे की, ‘बिग शो’ टी-20 मध्येही आपली जादू कायम ठेवेल. जगभरातील क्रिकेटप्रेमींसाठी मॅक्सवेलचा हा निर्णय भावनिक असला तरी त्याच्या पुढील प्रवासासाठी ते त्याला शुभेच्छा देत आहेत.
ग्लेन मॅक्सवेलची सर्व प्रकारच्या क्रिकेटमधील कारकीर्द: एक झंझावाती प्रवास
कसोटी क्रिकेट: छोटी पण प्रभावी कारकीर्द
मॅक्सवेलने 2013 मध्ये भारताविरुद्ध कसोटी क्रिकेटमध्ये पदार्पण केले. त्याने एकूण 7 कसोटी सामने खेळले, ज्यात त्याने 13 डावांमध्ये 26 च्या सरासरीने 339 धावा केल्या. त्याच्या कसोटी कारकिर्दीतील सर्वोत्तम कामगिरी म्हणजे 2013 मध्ये भारताविरुद्ध रांची येथे केलेलं शतक (104 धावा). मॅक्सवेलला कसोटी क्रिकेटमध्ये सातत्य राखता आलं नाही, कारण त्याची आक्रमक शैली आणि कसोटी क्रिकेटची संयमी गरज यांच्यात ताळमेळ बसला नाही. तरीही, त्याने ऑफ-स्पिन गोलंदाजीने 8 विकेट्स घेतल्या, ज्यामुळे तो अष्टपैलू खेळाडू म्हणून उपयुक्त ठरला. कसोटी क्रिकेटमध्ये त्याची कारकीर्द मर्यादित असली, तरी त्याच्या खेळींनी ऑस्ट्रेलियन संघाला काही संस्मरणीय क्षण दिले.
वनडे क्रिकेट:
मॅक्सवेलने 2012 मध्ये वनडे क्रिकेटमध्ये पदार्पण केलं आणि 2025 मध्ये निवृत्ती जाहीर करेपर्यंत 149 सामने खेळले. त्याने 136 डावांमध्ये 33.8 च्या सरासरीने आणि 126.7 च्या स्ट्राइक रेटने 3,990 धावा केल्या. त्याच्या खात्यावर 4 शतकं आणि 23 अर्धशतकं आहेत. त्याची सर्वात अविस्मरणीय खेळी म्हणजे 2023 च्या वनडे विश्वचषकातील अफगाणिस्तानविरुद्धची 201* धावांची नाबाद खेळी. या खेळीने ऑस्ट्रेलियाला अशक्यप्राय विजय मिळवून दिला आणि मॅक्सवेलला क्रिकेट इतिहासातील एका महान वनडे डावाचा हिरो बनवलं. गोलंदाजीमध्येही त्याने 71 विकेट्स घेतल्या आणि क्षेत्ररक्षणात 93 झेल घेऊन आपली उपयुक्तता सिद्ध केली.
टी-20 क्रिकेट:
टी-20 क्रिकेट हा मॅक्सवेलचा सर्वात यशस्वी फॉरमॅट आहे. त्याने ऑस्ट्रेलियासाठी 113 टी-20 आंतरराष्ट्रीय सामने खेळले असून, 26.6 च्या सरासरीने आणि 152.2 च्या स्ट्राइक रेटने 2,740 धावा केल्या आहेत. त्याच्या नावावर 5 अर्धशतकं आणि एक शतक आहे, ज्यात 2016 मध्ये श्रीलंकेविरुद्ध केलेल्या 145* धावांचा समावेश आहे. ही खेळी टी-20 आंतरराष्ट्रीय क्रिकेटमधील सर्वोच्च वैयक्तिक धावसंख्यांपैकी एक आहे. गोलंदाजीमध्ये त्याने 51 विकेट्स घेतल्या आणि क्षेत्ररक्षणात 57 झेल घेतले.
हे हि वाचा – कोण ठरले चल भावा सिटीत 2025 चे विजेते? येथे वाचा विजेत्यांची यादी !
आयपीएलमध्ये मॅक्सवेलने रॉयल चॅलेंजर्स बेंगलोर, किंग्स इलेव्हन पंजाब (आता पंजाब किंग्स) आणि दिल्ली डेअरडेव्हिल्ससाठी खेळताना भारतीय चाहत्यांच्या मनात जागा निर्माण केली. त्याच्या आक्रमक शैलीने आणि नाविन्यपूर्ण शॉट्सनी आयपीएल सामन्यांना रंगत आणली. विशेषत: 2014 च्या हंगामात पंजाबसाठी त्याने 552 धावा केल्या.